တကယ်တမ်း လူတစ်ယောက်ရဲ့စိတ်ကို ကြည်လင်အောင် ပြေလည်အောင် လုပ်နိုင်တာ မေတ္တာပို့ခြင်းပါပဲ
အဲဒီလိုမေတ္တာပို့ခြင်းအကျိုးကို ကျမ လက်တွေ့ခံစားခဲ့ရပုံလေးပြောပြချင်ပါတယ်
ကျမ ၁၀ တန်းအောင်ပြီး ကောလိပ်ကျောင်းတွေပိတ်ထားတုန်း (ယခုတော့ တက္ကသိုလ်ဖြစ်နေပါပြီ)ဌာနတစ်ခုမှာ အလုပ်ဝင်လုပ်ခဲ့ပါတယ် အရောင်းစာရေးနေရာမှာပါ
အလုပ်ဝင်ခါစမှာပဲ ကျမက အထက်လူကြီးတွေခွင့်ပြုချက်မရပဲ ပစ္စည်းတချို့ရောင်းမိတော့ (ခိုးရောင်းတာမဟုတ်ပါ ) မန်နေဂျာကြီးက ကျမကို စိတ်ဆိုးပြီး လူကြားထဲမယ်ငေါက်ပါတယ် မင်းဘယ်သူလဲ ဘယ်သူကမွေးတာလဲပေါ့ အများကြီးပဲ ပြောပါတယ်
(မန်နေဂျာကြီးက မွတ်ဆလင်ဘာသာဝင်တစ်ဦးပါ အသက်ကလဲ ၅၀ကျော်လောက်ရှိပါပြီ သူ့မိသားစုနဲ့အတူ ဌာနကဝန်းထဲမှာပဲနေပါတယ် )
အိမ်ကိုပြန်ရောက်တော့လဲ မန်နေဂျာကဆူလို့အလုပ်ထွက်မယ် ပြောပြီးငိုရပါတယ် ဒါပေမယ့်လဲ အလုပ်မထွက်ဖြစ်ပါဘူး
နောက်ရက်တွေအလုပ်ထဲမှာ မန်နေဂျာကြီးက အရောင်းကောင်တာတွေဘက် လှည့်ကြည့်ရင် ကျမက သူမမြင်အောင် ရှောင်နေပါတယ်
သူ အနောက်ကလာရင် အရှေ့ဘက်ပုန်းနေလိုက် အရှေ့ဘက်ကလာရင်အနောက်ဘက်ပုန်းနေလိုက်လုပ်ပါတယ်
အလုပ်ဝင်တာ ၃လကြာတော့ ဝန်ထမ်းတွေကို နေရာလဲပါတယ် ကျမကို ရုံးစာရေးဘက်ကိုပို့လိုက်ပါတယ်
ကျမကို မကြည်လို့လုပ်တယ်ဆိုတာလဲသိပါတယ် အဲဒီနေရာရောက်လို့လဲ ကျမအတွက် ကိစ္စမရှိပါဘူး
ခက်တာက ကျမလုပ်ရတဲ့အလုပ်က နေ့စဉ် မန်နေဂျာကြီးဆီသွားပြီး စာဝင်စာထွက် လက်မှတ်ထိုးခိုင်းရတာပါပဲ
တော်တော်စိတ်ညစ်ရပါတယ် ကျမက လူတစ်ယောက်ကို မျက်နှာချိုသွေးပြီး စကားမပြောတတ်ပါဘူး
ကျမ စိတ်ထဲမကြည်တဲ့လူဆို မျက်နှာလဲ မမြင်ချင် စကားလဲ မပြောချင်ပါဘူး
ကျမလဲ မတတ်သာတဲ့အဆုံး ကိုယ့်တာဝန်ကိုတော့ ကျေပွန်အောင်လုပ်ရမယ်ဆိုပြီး မန်နေဂျာကြီးဆီသွားရပါတယ်
သူ မကျေနပ်ရင် ဆူမှာစိုးလို့ သူ့ရုံးခန်းထဲမဝင်ခင် ကျမ လုပ်ရတဲ့အလုပ်က စိတ်ထဲကနေ သူ့ကို ကျန်းမာပါစေ ချမ်းသာပါစေဆိုပြီး မေတ္တာပို့ရပါတယ် ပြီးမှ ရုံးခန်းထဲဝင်ရတယ် သူက ကျမကိုမြင်တော့ ဘာမှ မပြောပါဘူး ခပ်တည်တည်ပါပဲ အဆူမခံရတော့ တော်သေးတယ်ဆိုပြီး ကျေနပ်မိပါတယ် ဒီလိုနဲ့နေ့စဉ် သူ့ရုံးခန်းထဲမဝင်ခင် သူ့ကို မေတ္တာပို့ရတဲ့ အကျင့်ရလာတယ် သူကလဲ တဖြည်းဖြည်းနဲ့ စိတ်ထဲကြည်လာတယ်ထင်ပါတယ် ကျမ မေတ္တာပို့တာလဲ ထိရောက်တယ်လို့ ယုံကြည်မိတယ် တခြားလူတွေကို ဆူနေတဲ့အချိန် ကျမသွားလဲ ကျမကို မဆူပါဘူး
အဲလိုပြေပြေလည်လည်ဖြစ်သွားဖို့ ကျမက သူ့ကို ဘာလက်ဆောင်ပစ္စည်းမှ မပေးခဲ့ရပါဘူး ပြီးတော့ ကျမ လက်ကိုလဲ ကိုင်ခွင့်မပေးခဲ့ရပါဘူး သူ့ဘက်ကလဲ ကျမကို ဘာလက်ဆောင်မှ မပေးခဲ့ပါဘူး ဖြူဖြူစင်စင် ရိုးရိုးသားသား ပြေလည်သွားခဲ့ပါတယ် မေတ္တာပို့တဲ့အကျိုးကျေးဇူးလေးပါပဲ အဲဒီအလုပ်မှာ ကျမ တနှစ်ခွဲကြာအောင်လုပ်ဖြစ်ခဲ့ပါတယ် ကျမတို့ ကောလိပ်ကျောင်းတွေပြန်ဖွင့်တော့ အလုပ်ထွက်ပြီး ကျောင်းတက်ခဲ့ပါတယ်
အဲဒီနောက်ပိုင်းတော့ မေတ္တာပို့တာကို အဓိကထားပြီး လုပ်ဖြစ်ခဲ့တယ် တချို့တလေတော့ ကိုယ်က မေတ္တာပို့ နေပေမယ့် ကိုယ့်အပေါ်အမြင်မကြည်တဲ့သူတွေ ရှိပါသေးတယ် ကိုယ့်ကိုယ်ကိုအားပေးမိတာကတော့ မြတ်စွာဘုရားတောင် သတ္တဝါအားလုံးကို မေတ္တာပို့နေတာ ဒေဝဒတ်ရဲ့လုပ်ကြံမှုကို ခံရသေးတယ်၊ ကျမလို သာမန်ပုထုဇဉ်တစ်ယောက်အတွက်ကတော့ ဒီလောက်တော့ရှိမှာပေါ့လို့ဖြေတွေးမိပါတယ် ဘာပဲဖြစ်ဖြစ် ဘယ်သူတရားပျက်ပျက် ကိုယ်မပျက်ဖို့အရေးကြီးပါတယ်နော် မေတ္တာပို့ပေးနေပေမယ့် ဒေါသလဲ ကြီးတုန်းပါပဲ မေတ္တာပို့တဲ့အချိန်မှာပဲ လောဘ ဒေါသ မောဟ ကင်းနေတာလေ အားလုံးပဲ တယောက်ယောက်နဲ့အဆင်မပြေရင် အဆင်ပြေချင်ရင် မေတ္တာပို့ပါ ယတြာချေစရာမလိုပါဘူး ဓာတ်ရိုက်ဓာတ်ဆင်လုပ်စရာမလိုပါဘူး မေတ္တာပို့တာသာ အကောင်းဆုံးအမြတ်ဆုံးပါပဲ မြတ်စွာဘုရားကလဲ တရားအလုပ်ထဲမယ် ပထမဆုံး ဝိပဿနာအလုပ်ပြီးရင် ဒုတိယက မေတ္တာပို့တာ အကောင်းဆုံးပါပဲတဲ့ အားလုံးပဲ မေတ္တာတရားပွားများနိုင်ပါစေ
မေတ္တာများများပို့ကြပါနော်..:)
