အချစ်ဆုံးရဲ့နွေဦးပန်းချီ...

             သူမဘ၀မှာ အချစ်ဆိုသောအရာကို ၁၆ နှစ်သမီးလောက်ကတည်းက ထိတွေ့ခဲ့မိ၏...ဘာရယ်မဟုတ် သူများထားတော့ ကိုယ်လည်းထားချင်မိသည်။ အတန်းထဲမှာဆို ရည်းစားမရှိလျှင် မျက်နှာပဲငယ်ရတော့မလိုလို.....။ ထိုအချိန်က ဒါတွေက popular တစ်ခုလိုပင်..။    

          ဒီလိုနှင့်ပဲတစ်နှစ်တစ်တန်းရည်းစားတွေမှန်မှန်လေးထားလာခဲ့မိသည်...ထိုအချိန်ထိကျွန်မထားခဲ့သော ရည်းစားများသည် ကျွန်မအတွက် ဘာခံစားမှုမှ မပါသော အရုပ်ကလေးများသာ ဖြစ်ခဲ့သည်။ရည်းစားက တစ်နှစ်တစ်ယောက်မှန်ခဲ့ပေမဲ့ ဆယ်တန်းရောက်တော့ ကျွန်မစာမေးပွဲကျတော့သည်။ကျသည်မှာ နည်းသေးသည်ဟု သူငယ်ချင်းများက ပြောလာကြ၏..ကျွန်မကတော့သူတို့မနာလို၍ ပြောသည်ဟုသာ သတ်မှတ်လိုက်သည်။ဟုတ်သည်လေ ကျွန်မက သူတို့ထက်တော်ခဲ့သည်ကိုး.. (ရည်းစားထားသည့်နေရာတွင်)... :P။ဒီလိုနှင့်ဆယ်တန်းကိုအောင်မြင်နိုင်ရန်နှစ်နှစ်ဆက်တိုက်ကိုယ်ဖိရင်ဖိကြိုးစားလိုက်ရသည်။အောင်ခဲ့ပါသည်။တစ်ဘာသာလေးဆယ်စွန်းရုံမျှဖြင့်(ကြွားသည်လို့တော့မထင်လိုက်ပါနှင့်..:P) ဆယ်တန်းပြီးတော့ ရန်ကုန်ကိုလာသည်။Speaking နှင့် English စာသင်တန်းတက်သည်။ရောက်လေရာစွံတက်သော ကျွန်မ၏အရည်အချင်းများကြောင့်ကျွန်မနှင့်မောင်တို့အကြည့်ချင်းဆုံရင်ခုန်ခဲ့ကြလေသည်ပေါ့..ဒီလိုနှင့်ပဲရိုမီ့ရိုနဲ့ဂျူးလီးယက်လိုဇတ်လမ်းလေးစခဲ့လေသတည်းပေါ့နော်...။ သိပ်မကြာခင်အချိန်လေးအတွင်းမှာပဲမောင်နှင့်ကျွန်မချစ်သူဖြစ်ခဲ့ကြသည်။အချစ်ကိုအလေးအနက်မထားတတ်ခဲ့သော ကျွန်မသည် မောင်နှင့်တွေ့မှပဲ အချစ်ကို ကိုးကွယ်လာခဲ့မိသည်။ဒါတွေဟာလည်း မောင့်၏စွမ်းရည်တစ်ခုပဲ ဖြစ်သည်။မောင်ကကျွန်မကိုအရမ်းချစ်သည်..အရမ်းလည်းသ၀န်တိုတတ်သည်..အပေါင်းအသင်းများသောကျွန်မနှင့် တစ်ကိုယ်တည်း နေတတ်သော စကားနည်းသောမောင်သည် ဘယ်လိုမှမလိုက်ဖက်ခဲ့ပေမယ့် တော်တော်လေးကိုချစ်ခဲ့ကြပါသည်။မောင်ကကျွန်မ Toilet သွားသည်ကအစ စိတ်မချဟုဆိုကာ အပေါက်ဝထိလိုက်ပို့ကာ ပြန်ထွက်လာသည့်အထိစောင့်သည်။လမ်းသွားလျှင်တောင်ကောင်လေးတွေနှင့် အသားချင်းထိမှာစိုးလို့ဟုဆိုကာ ကျွန်မပုခုံးကိုဖက်ပြီး ညာဖက်ကယောကျာင်္းလေးတစ်ယောက်လာလျှင် ကျွန်မကိုဘယ်ဖက်ပို့ကာ သူကညာဖက်ကိုသွားသည်။သည်လောက်ထိ အရမ်းသည်းတဲ့မောင်ပါ..လမ်းသွားလျှင်မောင့်ကိုကြည့်၍ ကျွန်မအရမ်းရယ်ချင်မိသည်။သူ့ကိုလည်း ကျွန်မက"ရန်ကုန်မှာနေပြီး Date out နေတဲ့တောသား"ဟု အမြဲပြောသည်။ထိုသို့ပြောလိုက်တိုင်း မျက်မှောင်ကုတ်ကာကြည့်တတ်သောမောင့်ပုံစံကို ကျွန်မအရမ်းပဲ မြတ်နိုးခဲ့ရသည်....။

         မောင်သည် ကျွန်မအပေါ်အနွံတာခံသလောက် စိတ်ကလေးလည်းကောက်တတ်သည်...ဘယ်သောအခါမှ ကျွန်မမောင့်အပေါ်စိတ်ကောက်ခဲ့သည်ဟု ခုချိန်ထိမရှိခဲ့ဖူးသေးပါ...မောင့်ကိုကျွန်မအရမ်းချစ်ပါသည်..ကျွန်မရင်ထဲမှာခံစားခဲ့ရဖူးသော အချစ်တွေသည် မောင်နှင့်တွေ့သည့်အချစ်နှင့် လုံးဝမဆိုင်ခဲ့ပါ...မောင်ပြုံးလိုက်တိုင်းချိုင့်ဝင်သွားတဲ့ ပါးချိုင့်လေးတွေ...ချစ်စရာသွားထပ်ကလေးနဲ့...မောင်ပျော်ရွှင်သွားတိုင်း လုပ်တတ်တဲ့ မျက်နှာအမူအရာလေးတွေဟာ ကျွန်မအတွက်တော့အရမ်းချစ်ဖို့ကောင်းတဲ့ မောင့်ရဲ့ပုံရိပ်တွေပါပဲ...မောင်ကရည်းမှန်းချက်ပြင်းထန်သူတစ်ယောက်ဖြစ်သည်..မောင်ဖြစ်ချင်ခဲ့သော ဆန္ဒတွေကိုတကယ်ဖြစ်အောင်လည်းမောင်လုပ်နိုင်မည်ဟု ကျွန်မယုံကြည်သည်...ကျွန်မကတော့အရာရာကိုအလေးအနက်မထား ပေါ့ပေါ့တန်တန်နဲ့ပျော်ပျော်ရွှင်ရွှင်ပဲနေခဲ့သည်..ကျွန်မအားလျှင်ရုပ်ရှင်ကြည့်မည်..shopping ထွက်မည်။ဒါတွေကိုပဲ ကျွန်မကအလုပ်တစ်ခုဟုသဘောထားခဲ့မိသည်...။သည်အကျိုးဆက်တွေဟာ တစ်ချိန်မှာ ဆိုးရွားတဲ့အကြောင်းတစ်ခု ဖြစ်ခဲ့မည်ဟု ကျွန်မတွေးပင်မတွေးခဲ့ဖူးပါ...

      ဒီလိုနှင့်မောင်နှင့်ကျွန်မတွဲတာတစ်နှစ်ပြည့်တော့မည်။ပျော်ခဲ့သည်မှာလည်း အတိုင်းအဆမရှိခဲ့....မောင်ကMC တက်နေချိန်မှာကျွန်မကတော့ Distance နှင့်ပဲရိုးရိုးမေဂျာကိုယူခဲ့မိသည်။အကြောင်းပြချက်ကတော့ ကျွန်မအခြားInstituteများကို မလိုက်နိုင်ဟုဆိုကာ မိဘများကို ဖြေရှင်းချက်ပေးခဲ့သည်။တကယ်တော့မောင်နှင့်ခွဲပြီး နယ်ကိုပြန်ကာ ကျောင်းမတက်ချင်လို့သာဖြစ်သည်။မောင်ကကျွန်မကို နယ်ကိုပြန်ပြီးကျောင်းတက်ဖို့ပြောသည်...ခေါင်းမာတတ်သောကျွန်မက ခေါင်းလည်းမခါခဲ့သလို ခေါင်းလည်းမငြိတ်ခဲ့ပါ..သည်လိုနှင့်မောင့်ဘေးနားမှာတောက်တဲ့တစ်ကောင်လိုအမြဲတွယ်ကပ်နေခဲ့သည်..။ကျွန်မကိုကျွန်မလည်း ကျွန်မသာမောင့်ရဲ့ အစိတ်အပိုင်းတစ်ခုလို့ခံယူထားခဲ့မိသည်..။ မောင်နှင့်အတူလျှောက်ခဲ့တဲ့လမ်းလေးတွေကို   ပန်းခင်းလမ်းလို့ကျွန်မထင်မှတ်ခဲ့ဖူးသည်...မောင်နှင့်အတူ ထိုင်နေကျဖြစ်သော လဘက်ရည်ဆိုင်လေးကိုလည်း ကျွန်မဖြတ်လျှောက်တိုင်း ချစ်ခြင်းများဖြင့်  အမြဲကြည့်ခဲ့ဖူးသည်..မောင်သုံးခဲ့တဲ့တစ်ရှုးလေးကအစ ကျွန်မအမြတ်တနိုးသိမ်းထားခဲ့ဖူးသည်..ယောကျာင်္းလေးဖြစ်ပြီး အသန့်အပြန့်အလွန်ကြိုက်သောမောင့်ကို ကလေးတစ်ယောက်လိုမြတ်နိုးစွာ ငေးကြည့်ခဲ့ရဘူးသည်..ယောကျာင်္းလေးတန်မဲ့ ဖြောင့်စင်းသွယ်တန်းနေသော မောင့်ရဲ့လက်ချောင်းလေးတွေကို ကျွန်မတပ်မက်စွာနမ်းရှိုက်ခဲ့ဖူး၏..စကားပြောတိုင်းမောင့်ရဲ့ သြရှရှအသံလေးကိုသီချင်းတစ်ပုဒ်နားထောင်နေရသလို ခံစားခဲ့မိ၏..မောင်မရှိလျှင်ကျွန်မဘ၀ ပျောက်ဆုံးသွားတော့မည်ကဲ့သို့ ခံစားရလောက်အောင် ကျွန်မခံစားရကာ အချစ်ကိုရူးသွပ်ခဲ့မိပါသည်..။

    မောင်ကလည်းကျွန်မကို တစ်ခါတစ်ရံသူပဲကလေးလို ဆိုးနွဲ့လိုက် လူကြီးတစ်ယောက်လိုဆုံးမလိုက်နှင့် အပြန်အလှန်နားလည်မှုတွေဖြင့်အချိန်တွေကိုကုန်ဆုံးစေခဲ့ပြန်သည်။ကျွန်မကလည်းမောင်မကြိုက်ဟုဆိုသောအရာက်ိုရှောင်ရှားခဲ့သလို(စာနှင့်ပတ်သက်တာကလွဲလို့)..မောင်ကလည်း  ကျွန်မ မကြိုက်သောအကြောင်းအရာကိစ္စများကိုဘယ်သောအခါမှမလုပ်ခဲ့ပေ..။မောင်နှင့်ကျွန်မတို့ချစ်ခရီးလမ်းသည် တစ်နှစ်မပြည့်ခင်အချိန်အထိ ဖြောင့်ဖြူးသာယာခဲ့ပါသည်..။

 မောင်နှစ်မနှစ်ဦးတည်းသာရှိပြီးအငယ်ဆုံးဖြစ်သောမောင့်ကိုမောင့်မိသားစုက

အလွန့်အလွန်ကိုချစ်ကြသည်..။မောင်နှင့်ကျွန်မချစ်နေသည်ကို သိသွားသောမောင့်ရဲ့မိဘများက ထိုကိစ္စကိုလုံးဝလက်မခံခဲ့ပါ။ကျွန်မကို သူတို့ရဲ့သားကိုဖျက်ဆီးသည့်မိန်းမဟုစွတ်စွဲကြသည်..။တန်ဖိုးမရှိသောမိန်းကလေးတစ်ယောက်ဟုဆိုသည်...။သူတို့ဘယ်လိုပဲဆိုဆို မောင့်ကိုချစ်သည့်စိတ်နှင့် မောင့်မျက်နှာတစ်ခုကိုပဲကြည့်ပြီး စွတ်စွဲပုတ်ခတ်စော်ကားမှုတွေကို အပြုံးမပျက်ဝမ်းနည်းစွာနဲ့ခေါင်းငုံကာကျွန်မငိုနေခဲ့မိသည်..။နောက်ဆုံးကျွန်မကိုအရှက်မရှိသောမိန်းကလေးတစ်ယောက်အဖြစ်မောင့်ပတ်ဝန်းကျင်ကသတ်မှတ်ကြသည်..။

မောင်နှင့်ကျွန်မအဝေးဆုံးကိုထွက်ပြေးခဲ့ကြသည်။ကံတရားကမျက်နှာသာမပေးခဲ့ပါ..မောင့်မိဘများကကျွန်မတို့ကိုလမ်းတစ်ဝက်မှာပဲ အမှီလိုက်လာနိုင်ခဲ့ပြီး..အဲဒီနောက်မှာတော့ မောင်နှင့်ကျွန်မကိုဝေးကွာစေခဲ့ကြသည်...ကျွန်မ၏ မိဘများမှာလည်း လုံးဝမောင်နှင့်ကျွန်မကိုသဘောမတူတော့ကြောင်းကြေငြာပြီးကျွန်မကိုနယ်သို့ပြန်ခေါ်သွားခဲ့သည်။မောင်နှင့်ကျွန်မတို့နှစ်ယောက်လုံး ကမ္ဘာကြီးတစ်ခုခြားနေသလိုခံစားခဲ့ကြရသည်။ကျွန်မနယ်သို့ပြန်ရောက်ပြီးမကြာခင်မှာပဲဆန္ဒပြမှုတွေကြောင့်(gastric)ဖြစ်သည်။ကျွန်မ၏ပိန်ချုံးလားသောခန္ဓာကိုယ်ကို ကြည့်ကာကျွန်မမိဘများငိုကြွေးခဲ့ကြသည်။ဒီလိုနှင့်မောင်နှင့်ကျွန်မအဆက်အသွယ်ပြတ်သည်ထက်ပြတ်လာခဲ့ကြသည်..။မောင်ရှိရာအရပ်ကို သွားချင်ခဲ့ပေမယ်ကျွန်မစိတ်သွားတိုင်းကိုယ်မပါနိုင်ခဲ့တော့ပေ..။ပါးလျနွမ်းကျလာသောကျွန်မရုပ်သွင်ကိုကြည့်မိတိုင်း မောင့်ဆီကိုသွားချင်သည့်စိတ်တို့ကိုရိုက်ချိုးပစ်ခဲ့သည်..။မောင်လည်းကျွန်မလိုပဲခံစားနေရမည်ဟုကျွန်မယုံကြည်မိသည်။မောင်နှင့်ပျော်ခဲ့ရဖူးသည့် အတိတ်ကိုတွေးလိုက်တိုင်း လွမ်းဆွတ်တမ်းတမှုကို ရူးမတက်ခံစားခဲ့ရသည်။ဝေဒနာထက်နှလုံးသားက ခံစားရသည့်ဒဏ်ရာက အဆိပ်တစ်ခွက်သောက်မိသလို ပူလောင်လွန်းလှ၏။မောင့်ကိုသတိရတိုင်း ထုတ်ကြည့်မိသည့်မောင့်ရဲ့ဓာတ်ပုံလေးလည်းတော်တော့ကိုဟောင်းနွမ်းနေခဲ့ပြီပေါ့..။ဘာတွေဘယ်လိုပဲဟောင်းနွမ်းသွားပါစေ ကျွန်မရင်ထဲက မောင်ကတော့ထာဝရသစ်လွင်နေဆဲ လတ်ဆတ်နေဆဲပဲရှိနေမှာပါ...။မောင်နဲ့ဘယ်လောက်ပဲ အချိန်တွေ နှစ်တွေကြာအောင် ဝေးကွာနေပါစေ တစ်ချိန်မှာပြန်ဆုံလိမ့်မယ်ဆိုတဲ့အတွေးက ကျွန်မကိုခုချိန်ထိ ဒီကမ္ဘာမြေပေါ်မှာရပ်တည်နိုင်စေခဲ့တာပဲဖြစ်သည်..။မောင့်ကိုချစ်သောကျွန်မရဲ့ နှလုံးသားလည်း ဘယ်သောအခါမှသေဆုံးသွားနိုင်မှာမဟုတ်ဘူးဆိုတာမောင်သိနိုင်ဖို့ ကျွန်မဆုတောင်းနေလျှက်ပါ....ဘာတွေပဲဖြစ်ဖြစ် ဒီကမ္ဘာမြေကြီးရဲ့ကောင်းကင်တစ်ခုတည်းအောက်မှာ မောင်နဲ့ကျွန်မ အတူရှိနေတယ်ဆိုတဲ့စိတ်နဲ့ ကျွန်မ ထာဝရရှင်သန်နေဦးမှာပါ......